موقف لايحسد عليه اثنين ابد

طيب لو سمحتو انا ابقولكم موقف صارلي وعساه مايصير الا على الظالم
ودي اعرف لو انتم صارلكم الموقف هذا ماهي الطريقة المناسبة التي سوف تتخذونها؟؟
اليوم كنت واقف عند مطعم وطالب فطور وانا واخوي الكبير جالسين بالسيارة ننتظر الطلب وفجأه وبدون اي مقدمات جاء رجل كبير في السن ( شايب سبيت من كبره)
جالس يتكللم مع نفسه ومعه زقاره ( يتتن بعنف ) اللي فهمته من شكله انه استغفرالله عليه قل عقل بشراااهه ومشينا شوي بالسياره وجلسنا نفطر المهم وحنا منسجمين مع الشكشوكه العزيزه جاء ( شايب السبيت ) وجلس يناظر نظرات شر ( مش ولا بد ) وجلسنا نبادله النظرات الحميمه ( صدقتك انه حميمه ) قرب شوي لمنا وقال :
وشفيه تناظرون لي؟ براسكم شئ؟
بإختصار ( يتهدد ) وقلنا انت اللي تناظر ياخال وانت اللي لاحقنا الله يصلحك.
تطورت المسأله وبدى يمد يده الكريمه ويتفلت ويقول لوبكم خير انزلو وخلو فطوركم بالسياره ( انا مادري وش دخل الفطور؟ الظاهر حتى الفطور ناويه )
الحين حنا ماحنا عجزانين ننزل ونفقع وجهه بس المشكله انه عليه قل صح وكبير بالعمر يعني:
( إن ضربناه مشكله وان خليناه يضربنا مشكله وإن سكتنا ماهو مخلينا لين نتضارب وإن مشينا ماهو مخلينا لانه متمسك بالباب)


السؤال: لو اي احد منكم صارله هالموقف وش راح يسوي؟؟